کراچی(خلیج نیوز)کراچی کے علاقے گلستان جوہر میں پولیس نے بلاک 3 اے میں واقع مکان پر چھاپہ مار کر نوکری کے بہانے خاتون کو اغوا کی کوشش ناکام بنا دی۔پولیس کے مطابق متاثرہ خاتون بریگیڈ کی رہائشی ہیں، جنہوں نے فیس بک پر نوکری کا اشتہار دیکھا۔خاتون نے اشتہار دیکھ کر نوکری کیلئے رابطہ کیا تو انہیں کامران چورنگی بلایا گیا اور ایک گھر میں لے جایا گیا۔پولیس کے مطابق خاتون نے گھر میں مشکوک حرکات دیکھیں تو 15 پر کال کرکے آگاہ کیا، اور جب وہاں سے جانے کی کوشش کی تو ان پر تشدد کیا گیا۔پولیس نے موقع پر پہنچ کر خاتون کا بازیاب کرا لیا، جبکہ مکان سے دو مرد اور دو خواتین کو حراست میں لے کر تھانے منتقل کردیا گای۔پولیس حکام کے مطابق واقعہ کی تحقیقات کی جارہی ہیں، جس کے بعد مقدمہ درج کیا جائے گا۔

کراچی(خلیج نیوز)کراچی میں 4 سال قبل بلدیہ ٹائون، مدینہ کالونی میں بیوی اور ساس کو قتل کرنے والے ملزم کو پولیس نے شرافی گوٹھ، فیوچر موڑ سے گرفتار کرلیا۔ایس ایس پی ملیر طارق مستوئی کے مطابق شرافی گوٹھ میں فیوچر موڑ پر پولیس نے خفیہ اطلاع پر چھاپہ مارا، چھاپے کے نتیجے میں دہرے قتل کے ملزم کو گرفتار کیا گیا۔ملزم حمزہ نے 2020 میں بلدیہ، مدینہ کالونی میں اپنی ساس اور بیوی کو قتل کیا، قتل کی واردات کے بعد ملزم فرار ہوگیا تھا۔گرفتار ملزم نے اپنے ویڈیو بیان میں بتایا کہ گھریلو جھگڑے کے باعث میں نے اپنی ساس اور بیوی کو گولیاں مار کر قتل کیا اور واردات کے بعد میں 4 سال سے مفرور تھا۔

لکھن(خلیج نیوز)بھارتی ریاست اتر پردیش کے شہر لکھن میں 32 سالہ شخص نے مبینہ طور پر بیوی اور دو بچوں کا قتل کرنے کے بعد لاشیں تقریبا دو دن تک گھر میں رکھیں۔ پولیس کے مطابق گھر سے آنے والی بدبو کی وجہ سے ملزم کو اتوارکے روز گرفتار کرلیا گیا۔بھارتی ٹی وی کے مطابق ملزم کی شناخت رام لگن گوتم کے طور پر ہوئی ہے جسے 30 سالہ بیوی جیوتی اور 6 اور 3 سالہ بچوں پائل اور آنند کے قتل کے الزام میں گرفتار کیا گیا ہے۔

پولیس کی پچھ گچھ کے دوران ملزم نے اپنے جرم کا اعتراف کیا۔ڈی سی پی (جنوبی)تیج سوروپ سنگھ کے مطابق، بلرام پور ضلع کا رام لگان بجنور پولیس اسٹیشن کے دائرہ اختیار میں آنے والے سروان نگر علاقے میں کرائے کے مکان میں رہتا تھا، قتل کا انکشاف اس وقت ہوا جب قریب ہی رہنے والے مکان کے مالک دھریندر کمار نے گھر کا دورہ کیا۔

ڈی سی پی نے بتایا کہ رام لگان اور جیوتی نامی جوڑے کی شادی کو 7 سال ہو چکے تھے اور ملزم کو شک تھا کہ اس کی بیوی کے کسی کے ساتھ ناجائز تعلقات ہیں، جس کی وجہ سے اکثر ان کے درمیان بحث ہوتی تھی۔ ان کے درمیان 28 مارچ کی رات کو بھی جھگڑا ہوا تھا، جس کے بعد اس نے بیوی بچوں کو مار ڈالا۔انہوں نے بتایا کہ ابتدائی تفتیش کے مطابق ملزم نے جمعرات اور جمعہ کی درمیانی شب اپنی بیوی اور بچوں کو قتل کیا۔ تہرا قتل کرنے کے بعد ملزم نے اسی کمرے میں رات گزاری جہاں لاشیں موجود تھیں۔ اگلے تین دنوں تک وہ صبح گھر سے نکلتا اور رات کو گھر واپس آجاتا۔

پولیس نے بتایا کہ رام لگان کے رویے اور بدبو کو دیکھ کر مکان مالک مکان گھر میں داخل ہوا جہاں اسے ایک بوری کے اندر 3 لاشیں پڑی ہوئی ملیں۔ملزم لاشوں کو باہر نکالنے سے قاصر تھا کیونکہ وہ بھیڑ بھاڑ والے علاقے میں رہتا تھا۔ پولیس نے بتایا کہ رام لگان نے اپنے پڑوسیوں کو بتایا کہ اس کی فیملی ہولی کے لیے ایک رشتہ دار کے گھر گئی ہوئی ہے۔پولیس کا کہنا تھا کہ لاشوں کو پوسٹ مارٹم کے لیے بھیج دیا گیا ہے اور مزید تفتیش جاری ہے۔