کراچی(خلیج نیوز)ایڈیشنل ڈسٹرکٹ اینڈ سیشن جج نے قرآن پاک کی بے حرمتی کے کیس میں جرم ثابت ہونے پر ملزم علی حیدر کو عمر قید کی سزا سنادی۔ایڈیشنل ڈسٹرکٹ اینڈ سیشن جج شرقی شاہد علی میمن کی عدالت نے قرآن پاک کی بے حرمتی کے کیس کا فیصلہ سنادیا۔ عدالت نے جرم ثابت ہونے پر ملزم علی حیدر کو عمر قید کی سزا سنائی۔استغاثہ کے مطابق ملزم نے 4 جون 2021 کو ضیا کالونی میں قرآن پاک کی بے حرمتی کرتے ہوئے پکڑا گیا تھا۔ ملزم فجر کی نماز کے بعد قرآن مجید کے مقدس اوراق جلا رہا تھا۔ ملزم کیخلاف کورنگی تھانے میں مقدمہ درج کیا گیا تھا۔

نواب شاہ(خلیج نیوز)سوئی سدرن گیس کمپنی نے چوروں کے خلاف کارروائی کرتے ہوئے زیرزمین کلیمپ کے ذریعے گیس چوری کرنیوالے ملزم کو پکڑلیا۔تفصیلات کے مطابق کسٹمر ریلیشن ڈپارٹمنٹ کی اینٹی گیس تھیفٹ ٹیم نے نوابشاہ بھنگوار کالونی میں چھاپہ مارا، جہاں سے زیرزمین کلیمپ کے ذریعے براہ راست گیس چوری کرنے والے ملزم کو پکڑ لیا گیا۔سوئی سدرن گیس کمپنی کے حکام کے مطابق ملزم لاکھوں روپے کی گیس چوری کرکے گھریلو صارفین کو بیچ رہا تھا۔ایس ایس جی سی نے کہا کہ 10 گھروں کو گیس سپلائی کرنیوالے 4 ڈائریکٹ کلیمپس کو منقطع کردیا گیا، مستقبل میں گیس چوری روکنے کیلئے علاقے کی کڑی نگرانی جاری رہے گی۔