فیصل آباد(خلیج نیوز)پاکستان مسلم لیگ (ن)کے رہنما عابد شیر علی نے بانی پی ٹی آئی کو چلتی پھرتی زندہ لاش قراردے دیا۔میڈیاسے گفتگوکرتے ہوئے انہوںنے کہاکہ 14اگست کے بعد نواز شریف فارم میں نظر آئیں گے۔عابد شیر علی نے کہا کہ وزیر اعلیٰ پنجاب مریم نواز نے لوگوں کو سولر دینے کا اعلان کیا ہے، پنجاب میں کسانوں کو سولر دیں گے۔انہوں نے کہاکہ بانی پی ٹی آئی چلتی پھرتی زندہ لاش ہے،اس بندے نے اقتدار میں آکر سارے اداروں کو متنازعہ بنایا،بانی پی ٹی آئی شیخ مجیب کو کہتا تھا ہیرو ہے آج اس کے مجسمے توڑے جا رہے ہیں۔عابد شیر علی نے کہا کہ حکومت اپنی مدت پوری کرے گی، آئی پی پیز کے معاہدوں پر نظرثانی کے لیے کمیٹی قائم کر دی گئی ہے۔

مریدکے ( خلیج نیوز) چار روز قبل لا پتہ ہونے والے شخص کی مریدکے سیکھم نہر سے لاش برآمد ہوئی ہے۔ریسکیو 1122مریدکے کو اطلاع موصول ہو ئی کہ سیکھم نہر میں ایک لاش پانی میں بہہ رہی ہے ۔ریسکیو 1122نے لاش نہر سے نکال کر مریدکے صدر پولیس کے حوالے کردی ۔لاش کی شناخت گوجرانوالہ کے رہائشی تاجر 32سالہ آفتاب کے نام سے ہوئی ہے جسے گھر سے گئے چار روز گزر چکے تھے مگر اس کا کوئی سراغ نہیں مل رہا تھا ۔ پولیس نے قانونی کارروائی کا آغاز کر دیا ۔