اسلام آباد (خلیج نیوز)نیشنل پاور ریگولیٹری اتھارٹی (نیپرا) نے جولائی کے ماہانہ فیول ایڈجسٹمنٹ کے لیے سینٹرل پاور پرچیزنگ ایجنسی ( سی پی پی اے) کی جانب سے جمع کروائی گئی درخواست پر فیصلہ محفوظ کرلیا۔نیپرا میں بجلی کی قیمت میں 31 پیسے کمی کی لیے دائر کی گئی درخواست میں سی پی پی اے حکام نے بتایا کہ جولائی کے مہینے کا ساڑھے 4 ارب کا عوام کو ریلیف ملے گا، جولائی میں پانی سے 4 فیصد کم جبکہ درآمدی کوئلے سے زیادہ بجلی پیدا ہوئی ہے اور عالمی سطح پر ایندھن کی قیمتوں میں کمی کا رجحان رہا ہے، اس لیے جولائی کے مہینے میں عوام کو 4 ارب روپے کا ریلیف ملنا چاہیے۔سماعت کے دوران سینٹرل پاور پرچیزنگ ایجنسی کے حکام نے بتایا کہ اقتصادی اعشاریے برقرار رہے توبجلی قیمتوں میں تھوڑا بہت فرق رہے گا۔نیپرا کے ممبر رفیق شیخ نے کہا کہ اگر نقصانات کی شرح نکال دیں تو کتنا ریلیف بنتا ہے؟

اس سوال پر نیشنل ٹرانسمیشن اینڈ ڈسپیچ کمپنی کے حکام کی جانب سے جواب نہ ملنے پر نیپرا ممبر نے برہمی کا اظہار کیا۔نیپرا حکام نے کہا کہ گزشتہ 6 سال سے ہماری انرجی گروتھ نہیں ہوئی، رفیق شیخ نے کہا کہ سسٹم نقصانات میں کمی کی لاگت کیا تھی، اس سے صارفین پر کتنا بوجھ پڑا ؟ اس کا تجزیہ کرکے بتائیں تاکہ ذمہ داروں کا تعین ہو سکے۔انہوں نے کہا کہ اب تو گھر کے کرائے سے زیادہ بجلی کے بل آرہے ہیں، بجلی کے بل گھروں کے کرایوں سے بڑھنے کی خبریں چلتی ہیں، یہ سن کر ہمارے سر شرم سے جھک جاتے ہیں۔سماعت کے دوران نیشنل ٹرانسمیشن اینڈ ڈسپیچ کمپنی کے حکام نے نیپرا کو بتایا کہ صارف تو 12،13 ہزار بجلی استعمال کرتا ہے، صارف 12،13 ہزار میگاواٹ بجلی استعمال کرتا ہے مگر اسے کیپیسٹی 40 ہزار میگاواٹ کی دینا پڑتی ہے۔نیپرا کی جانب سے سماعت مکمل کرتے ہوئے فیصلہ محفوظ کرلیا گیا،نیپراکی جانب سیمزید ڈیٹاکی جانچ پڑتال کیبعد فیصلہ جاری کیا جائیگا۔