فیصل آباد (خلیج نیوز)فیصل آباد کی انسدادِ دہشت گردی کی عدالت نے وزیرِ اعلیٰ خیبر پختون خوا علی امین گنڈا پور کی درخواستِ ضمانت منظور کر لی۔وزیرِ اعلیٰ کے پی 9 مئی کے مقدمات میں فیصل آباد کی انسدادِ دہشت گردی کی عدالت میں پیش ہوئے۔عدالت نے 4 مقدمات میں علی امین گنڈا پور کی عبوری ضمانت منظور کر لی۔عدالت نے انہیں کو 12 ستمبر کو دوبارہ پیش ہونے کا حکم بھی دیا۔یاد رہے کہ علی امین گنڈا پور 9 مئی کے واقعات کے 4 مقدمات میں نامزد ہیں۔

پشاور(خلیج نیوز)دہشت گردی سے متاثرہ افراد کی یاد کے عالمی دن پر وزیر اعلی خیبر پختونخوا علی امین گنڈا پور نے اپنے پیغام میں کہا کہ خیبرپختونخوا کے عوام اور سیکیورٹی فورسز گزشتہ کئی دہائیوں سے دہشت گردی کے خلاف برسر پیکار ہیں دہشت گردی کے خلاف جنگ میں خیبرپختونخوا نے فرنٹ لائن کردار ادا کیا ہے ،وزیر اعلی خیبر پختونخوا نے دہشت گردی کے خلاف جنگ میں اپنی جانیں قربان کرنے والے شہدائ، غازیوں اور خاندانوں کو خراج عقیدت پیش کیا ، انہوں نے کہا کہ خیبرپختونخوا کے عوام اور سیکیورٹی فورسز گزشتہ کئی دہائیوں سے دہشت گردی کے خلاف برسر پیکار ہیںدہشت گردی کے خلاف جنگ میں خیبرپختونخوا نے فرنٹ لائن کردار ادا کیا ہے انہوں نے کہا کہ دہشت گردی کا مکمل خاتمہ ہماری ترجیحات میں سر فہرست ہے۔