اسلام آباد(خلیج نیوز)حکومت نے سپریم کورٹ کے ججز کی تعداد بڑھانے پر غور شروع کردیا۔نجی ٹی وی کے مطابق حکومتی رکن بیرسٹر دانیال چودھری نے کہاہے کہ معلوم ہواہے کہ سپریم کورٹ کے ججز کی تعداد 23کرنے کا فیصلہ کیا گیا ہے۔انہوںنے کہاکہ عدالت عظمیٰ میں ججز کی تعداد میں اضافے کابل آئندہ ہفتے ایوان میں پیش ہو گا۔

اسلام آباد (خلیج نیوز)بانی پی ٹی آئی کی ہمشیرہ علیمہ خان نے کہا ہے کہ ججز کو بھی سمجھ آرہی ہے کہ سائفر کیس میں کچھ بھی نہیں ہے۔ منگل کو اسلام آباد ہائی کورٹ کے باہر میڈیا سے گفتگو کرتے ہوئے علیمہ خان نے کہا کہ سائفر کو ختم کرنا چاہیے، رانا ثنا اللہ نے یہ کیس بنایا اور زیادتی کی۔ انہوں نے کہا کہ جب انصاف دیں گے تو سارا کچھ ٹھیک ہوجائے گا۔ جب انصاف دیں گے تو یہ بھی آرام سے سوئیں گے اور عوام بھی سکون سے سوئیں گے۔