راولپنڈی (خلیج نیوز)بنگلادیش اور پاکستان کے درمیان راولپنڈی میں جاری پہلے ٹیسٹ میچ میں شائقین کرکٹ کے لیے خوشخبری، ویک اینڈ پر شائقین کرکٹ کے لیے اسٹیڈیم کے دروازے فری کھولنے کا فیصلہ کرلیا گیا۔پاکستان کرکٹ بورڈ نے بنگلادیش کیخلاف ٹیسٹ میچ شائقین کرکٹ کی دلچسپی بڑھانے کیلئے ویک اینڈ پر شائقین کرکٹ کے لیے اسٹیڈیم کے دروازے فری کھولنے کا فیصلہ کیا ہے۔ہفتہ اور اتوار کو شائقین کرکٹ کے لیے پنڈی کرکٹ اسٹیڈیم میں انٹری فری کر دی گئی ہے۔ شعیب اختر، سہیل تنویر، میران بخش، یاسرعرفات، جاوید میانداد انکلوڑرز میں داخلہ مفت ہوگا۔ جاوید میانداد اور وی آئی پیز اینکلوڑرز فیملی کے لیے مختص کردیاگیا ہے جبکہ راولپنڈی ٹیسٹ کے آخری دو روز کے ٹکٹ خریدنے والوں کو ٹکٹ ری فنڈ کیاجائیگا۔