سوات(خلیج نیوز)سوات کی تحصیل مٹہ کے علاقے کورے میں شوہر نے بیوی کو قتل کرکے خودکشی کرلی ۔ ایس ایچ او تھانہ مٹہ حیات خان کے مطابق چھیالیس سالہ بہرام شہزادہ عرف سنگین ولد آفرین خان نے گھریلو تنازع پر فائرنگ کرکے اپنی تین بچوں کی اہلیہ مسماة (ا) کو موت کے گھاٹ اتاردیااوربعدازاں خود پر بھی فائرکھول کراپنی زندگی کا خاتمہ کردیا ۔ پولیس کے مطابق میاں بیوں کے مابین طویل عرصہ سے گھریلو تنازع چلا آرہاتھا ۔ پولیس نے لاشوں کو پوسٹ مارٹم کے لئے تحصیل ہیڈکوارٹر اسپتال منتقل کردیا ہے ۔ موقع سے آلہ قتل پستول برآمد کرکے ابتدائی رپورٹ درج کرکے مزید تفتیش جاری ہے ۔