لاہور( خلیج نیوز)وفاقی حکومت نے یوٹیلیٹی اسٹورز کو مکمل طور پر بند کرنے کا فیصلہ کر لیا،وفاقی حکومت نے یوٹیلیٹی اسٹورز کو بند کرنے کیلئے 2ہفتے کا وقت دے دیا، فیصلے سے یوٹیلیٹی سٹور کے ہزاروں ملازمین میں تشویش کی لہر دوڑ گئی۔یوٹیلیٹی اسٹورز کی انتظامیہ کے مطابق ہمیں اشیائے خوردونوش سپلائی کرنے والی کمپنیوں سے لین دین کے معاملات نمٹانے کیلئے 2ہفتے کا وقت دیا گیا ہے۔اس حوالے سے سیکرٹری صنعت و پیداوار نے کہا کہ وفاقی حکومت یوٹیلیٹی اسٹورز بند کرنے کا فیصلہ کر رہی ہے، رائٹ سائزنگ کمیٹی نے تجاویز تیار کی ہیں جس میں مختلف وزارتیں بھی شامل ہیں، وفاقی حکومت کے پاس پیسے نہیں ہیں جس کے باعث یہ فیصلہ کیا جا رہا ہے۔رائٹ سائزنگ کمیٹی کی دیگر اداروں کو بند کرنے تجویز کی حتمی منظوری وفاقی کابینہ دے گی،کابینہ کی منظوری کے بعد جو ٹائم لائن طے ہوگا اس کے مطابق اسٹورز بند ہو جائیں گے۔دوسری جانب وفاقی حکومت نے یوٹیلٹی اسٹورز پر بینظیر انکم سپورٹ پروگرام میں رجسٹرڈ صارفین کو دیا جانے والا ریلیف بھی بند کر دیا ہے ۔ذرائع کے مطابق بینظیر انکم سپورٹ پروگرام کے تحت ملنے والی یہ سبسڈی غیر اعلانیہ بند کی گئی ہے۔

اسلام آباد(خلیج نیوز)تفصیلات کے مطابق وفاقی حکومت نے مہنگائی کے مارے عوام پر ایک اور بجلی بم گراتے ہوئے بجلی 2روپے 56پیسے فی یونٹ مزید مہنگی کردی گئی ، نیپرا نے اس حوالے سے نوٹیفکیشن بھی جاری کردیا ہے۔ نوٹیفکیشن کے مطابق بجلی قیمت میں اضافہ جون کی ماہانہ فیول ایڈجسٹمنٹ کی مد میں کیا گیا ہے، لائف لائن صارفین اور کے الیکڑک صارفین پر اضافے کا اطلاق نہیں ہوگا۔نوٹیفکیشن کے مطابق اگست کے بجلی کے بلوں میں صارفین کو اضافی ادائیگیاں کرنا ہوں گی،سی پی پی اے نے نیپرا سے 2روپے 63پیسے فی یونٹ کا اضافہ مانگا تھا۔