لاہور( خلیج نیوز)دوست کی جگہ امتحان دینے والا نوجوان پکڑا گیا۔لاہور میں لارنس روڈ کے امتحانی مرکز سینٹر نمبر 19 میں دوسرے کی جگہ پیپر دینے والا امیدوار رنگے ہاتھوں پکڑا گیا، جو کہ اصلی امیدوار محمد عرفان کی جگہ پر امتحان دے رہا تھا ۔
لاہور (خلیج نیوز) نوجوان کو چالان سے بچنے کے لئے حساس ادارے کی ٹی شرٹ پہننا مہنگا پڑگیا ، گرفتار کر کے مقدمہ درج کر لیا گیا ۔ بتایا گیا ہے کہ پرانی انارکلی میں پٹرولنگ آفیسر محمد ذیشان نے ٹریفک کی خلاف ورزی پر موٹرسائیکل سوار کو روکا، پٹرولنگ آفیسر کے برائے کارروائی کاغذات طلب کرنے پر موٹرسائیکل سوار طعیش میں آگیا، حساس ادارے کی ٹی شرٹ پہنے موٹرسائیکل سوار نے خود کو اہلکار ظاہر کروایا۔شناخت نہ دینے پر عادل نامی ملزم کو موٹرسائیکل سمیت تھانہ پرانی انارکلی میں بند کر دیا گیا ۔ سی ٹی او لاہور عمارہ اطہر نے پٹرولنگ آفیسر ذیشان کو شاباش، تعریفی سند کا اعلان کیا ۔ انہوں نے کہا کہ وارڈنز ٹریفک کی روانی کیساتھ ساتھ مشکوک افراد پر بھی کڑی نظر رکھے ہوئے ہیں۔
ننکانہ صاحب(خلیج نیوز)نواحی چک نمبر32پکھاریوال میں ایک نوجوان شرافت علی نے وراثتی جائیداد کی تقسیم کی رنجش پر گولی مار کر اپنے چچا علی رضاکے5سالہ بیٹے طیب علی کو قتل کردیا۔بتایا گیا ہے کہ پکھاریوال میں ملزم شرافت علی نے وراثتی جائیداد کی تقسیم کے معاملے میں چند دن پہلے جھگڑا کیاتھا،علی رضا نے اسے کہا کہ زمین ٹھیکہ پر دی ہے،ٹھیکہ کی مدت ختم ہونے پر بیٹھ کر معاملہ حل کر لیں گے،گذشتہ روز علی رضا اور اسکی بیوی گھر میں بیٹھے ہوئے تھے اور ان کا5سالہ بیٹا طیب علی گلی میں دروازے پر بیٹھا ہوا تھا،اسی دوران پسٹل سے مسلح شرافت علی آگیا،اس نے غلیظ گالیاں دیں اور قتل کی دھمکیاں دیتے ہوئے5سالہ طیب کو گولی ماردی اور فرار ہوگیا،علی رضا اور اسکی بیوی نے بھاگ کر بیٹے طیب کو پکڑا تو وہ ان کے ہاتوں میں دم توڑ گیا،تھانہ صدر پولیس نے مقتول طیب کے والد علی رجضا کی مسعیت میں مقدمہ درج کردیا۔
لاہور(خلیج نیوز) نوجوان نے بے مثال بہادری دکھا تے ہوئے ڈاکوئوں کی گولی کھاکر اپنے مالک کے 90لاکھ روپے بچا لے ۔ڈاکوں کا مزاحمت کے دوران شہری کو گولیاں مارنے کا یہ گوالمنڈی کے علاقے میں ہوا۔نوجوان وسیم محمود نولکھا میں اپنے مالک کے پیسے لے کر گوالنڈی آرہا تھا ۔ تین موٹر سائیکل سوار ڈاکوں نے شہری وسیم محمود کو راستے مین روک کر اسلحہ دکھایا اور اس کے پاس موجود نوے لاکھ روپے کی کثیر رقم چھیننے کی کوشش کی۔ وسیم نے پیسے ڈاکوئوں کے حوالے کر کے اپنی جان بچانے کی بجائے مزاحمت کی۔ ہاتھا پائی کے دوران ایک ڈاکو نے گولی چلا دی جو وسیم کی ٹانگ پر لگی۔ ڈاکو گولی چلنے کے بعد خوفزدہ ہو کر بھاگ گئے اور گھبراہٹ میں رقم لوٹنا بھی بھول گئے۔ ڈاکوئوں کی فائرنگ سے زخمی ہونے والے وسیم کو میو ہسپتال منتقل کر دیا گیا۔
