لاہور ( خلیج نیوز) پشاور سے لاہور میں منشیات کی سپلائی ناکام بناتے ہوئے میاں بیوی کو گرفتار کر لیا گیا ۔ مانگا منڈی پولیس نے کارروائی کرتے ہوئے منشیات سپلائی کرنے والے میاں، بیوی کو گرفتار کیا ۔دونوں ملزمان پشاور سے لاہور سپلائی کرنے آئے تھے ۔گاڑی اور ملزمان کی جامع تلاشی لینے پر گاڑی کی سیٹ کے نیچے سے منشیات برآمد ہوئی ۔ملزمان سے لاکھوں مالیت کی 21کلو 600گرام چرس اور 6کلو افیون برآمد ہوئی ۔ملزمان کی شناخت محمد پھول اور سانیہ بی بی کے نام سے ہوئی ۔ملزمان کے زیر استعمال گاڑی کو بھی تحویل میں لے لیا گیا۔ ملزمان کے خلاف مقدمہ درج کر کے انویسٹیگیشن ونگ کے حوالے کر دیا گیا۔ ایس پی صدر سدرہ خان نے کہا کہ نو جوان نسل کی بربادی کا سبب بننے والے منشیات فروشوں کو کیفر کردار تک پہنچایا جایگا ۔