اسلام آباد(خلیج نیوز)پاکستان تحریک انصاف کے رکن قومی اسمبلی شیر افضل مروت کی اسلام آباد پولیس کے اہلکاروں کے ساتھ ہاتھا پائی کی ویڈیو وائرل ہو رہی ہے۔شیر افضل مروت کی پولیس اہلکاروں کے ساتھ ہاتھا پائی کی سامنے آئی ہے، ویڈیو میں شیر افضل مروت خود کو گرفتار کرنے کیلئے پولیس کو اصرار کرتے نظر آ رہے ہیں۔ویڈیو میں دیکھا جا سکتا ہے کہ شیر افضل مروت نے اہلکار کی وردی بھی پھاڑ دی جبکہ شیر افضل مروت کی اپنی قمیض بھی پھٹی ہوئی ہے۔ویڈیو میں پولیس اہلکار شیر افضل مروت کو مسلسل جانے کا کہتے رہے تاہم وہ پولیس اہلکاروں کو خود کو گرفتار کرنے کا کہتے رہے۔

پشین (خلیج نیوز) رہنماء پی ٹی آئی شیر افضل مروت نے پشین جلسے میں شرکاء کو ڈیزل کے نعرے لگانے سے منع کردیا۔تفصیلات کے مطابق پشین میں اپوزیشن اتحاد کے جلسے کے شرکاء سے خطاب کیلئے شیر افضل مروت سٹیج پر آئے تو شرکاء نے ڈیزل ، ڈیزل کے نعرے لگانا شروع کردیئے جس پر شیر افضل مروت نے کہا کہ ڈیزل کے نعرے نہ لگائیں کیونکہ ان سے بات چیت چل رہی ہے۔انہوں نے کہا کہ ملک پر ایک جابرانہ حکومت قائم ہے، عمران خان گزشتہ 8 ماہ سے ناجائز مقدمات میں جیل میں بند ہے، عمران خان اور ان کی اہلیہ کی کردار کشی کی گئی۔قبل ازیں شیر افضل مروت جب جلسہ گاہ پہنچے تو سربراہ پشتونخوا ملی عوامی پارٹی محمود خان اچکزئی جلسے سے خطاب کر رہے تھے تاہم جیسے ہی شیر افضل مروت اسٹیج پر پہنچے تو محمود خان نے تقریر روک دی اور مائیک شیر افضل مروت کے حوالے کر دیا۔