کراچی(خلیج نیوز) سابقہ پاکستانی اداکارہ، میزبان اور یوٹیوبر ندا یاسر نے حال ہی میں سوشل میڈیا پر اپنی خوشیوں کو شیئر کرنے اور صارفین کے ردعمل پر گفتگو کی ہے۔ندا یاسر کا مارننگ شو کا ایک مختصر کلپ سوشل میڈیا پر وائرل ہو رہا ہے جس میں وہ صارفین کے منفی رویوں پر شکایت کر رہی ہیں۔انہوں نے کہاکہ اگر آپ اپنے شوہر کے ساتھ خوشی سے کوئی تصویر شیئر کریں تو لوگ حسد میں مبتلا ہو جاتے ہیں، اور اگر کسی کو معلوم ہو جائے کہ آپ اور آپ کے شریک حیات کے درمیان کوئی مسئلہ ہے تو لوگوں کی خوشی دیدنی ہوتی ہے۔ندا یاسر نے کہا کہ اگر آپ نے نیا گھر یا گاڑی خریدی ہے تو یہ بھی لوگوں کو برداشت نہیں ہوتا، بربادی کے وقت لوگ نہ صرف خوش ہوتے ہیں بلکہ ٹانگیں بھی کھینچنے آجاتے ہیں۔ان کے اس بیان کی تائید کرتے ہوئے مہمان اداکاراں نے کہا کہ آج کل لوگ دوسروں کی خوشیوں سے لطف اندوز ہونے کی صلاحیت کھو چکے ہیں اور چاہتے ہیں کہ ہر کوئی ان کی طرح ہی پریشان ہو۔اداکاراں نے مزید کہا کہ آج کل لوگ خود پریشان ہیں اور اسی لیے کسی دوسرے کو خوش نہیں دیکھ سکتے۔ ان کو عادت ہو گئی ہے کہ جو بھی خوش ہے، اس پر تنقید کریں اور اسے ذلیل کریں۔

لاہور(خلیج نیوز)معروف اداکارہ مریم نفیس نے کہا ہے کہ شوہر ایک سے زیادہ بیویوں کے ساتھ یکساں سلوک نہیں کرسکتے۔ایک انٹرویو میں اداکار ہ نے کہا کہ مرد کئی بار شادی کرسکتا ہے لیکن دوسری شادی کرنے سے پہلے صرف ایک شادی ختم کرکے ایسا کرسکتا ہے کیونکہ مرد ایک سے زیادہ بیویوں کے ساتھ انصاف نہیں کرسکتے۔انہوں نے کہا کہ میں اس کا احترام کرتی ہوں کہ اسلام ایک سے زائد شادیوں کی اجازت دیتا ہے لیکن میں ذاتی طور پر سمجھتی ہوں کہ بہت کم خواتین اپنے شوہر کو بانٹنے میں آسانی محسوس کرتی ہیں۔مریم نفیس نے کہا کہ اگر میرے شوہر دوبارہ شادی کرنا چاہتے ہیں تو میں انہیں منع نہیں کروں گی لیکن علیحدگی کی درخواست ضرور کروں گی۔اداکارہ نے مزید کہا کہ اگر کوئی واقعی ناخوش ہے تو پہلے رشتہ ختم کرنا اور پھر دوبارہ شادی کرنا ایک آپشن ہو سکتا ہے۔

اسلام آباد(خلیج نیوز) پاکستانی اداکارہ مریم نفیس نے کہا ہے کہ مرد کیلئے ایک سے زیادہ بیویوں میں انصاف کرنا مشکل ہے۔نجی ٹی وی کے پروگرام میں گفتگو کرتے ہوئے اداکارہ کا کہنا تھا کہ وہ اس بات کا احترام کرتی ہے کہ اسلام مردوں کو چار شادیوں کی اجازت دیتا ہے لیکن اس کیلئے تمام بیویوں میں انصاف کی شرط بھی لگائی گئی ہے۔انہوں نے کہا کہ وہ ذاتی طور پر سمجھتی ہیں کہ بہت کم خواتین اپنے شوہروں کی دوسری شادی کو برداشت کرسکتی ہیں۔مریم نفیس کا کہنا تھا کہ اگر ان کے شوہر نے دوسری شادی کی تو وہ انہیں منع تو نہیں کریں گی لیکن وہ اسے چھوڑ دیں گی۔