کراچی (خلیج نیوز) ڈیجیٹل فنانشل سروسز پلیٹ فارم ایزی پیسہ نے پاکستان میں ڈیجیٹل مالیاتی خدمات میں انقلاب برپا کرنے کے لئے کیو آر سائونڈ باکس متعارف کرادیا ہے جو آواز پر مبنی پیمنٹ الرٹ اور نوٹیفکیشن کیلئے ایک پورٹ ایبل ڈیوائس ہے۔کیو آر سائونڈ باکس مرچنٹس اور صارفین کیلئے ایک بہتر اور موثر حل فراہم کرتا ہے۔ یہ پورٹ ایبل ڈیوائس ا سپیکر سے لیس ہے جس کے ذریعے صارفین اور مرچنٹس کو آواز پر مبنی پیمنٹ الرٹس اور ادائیگی کے فوری نوٹیفکیشن وصول ہوں گے۔
ڈیوائس کنکٹیویٹی کے لئے سم کے ساتھ آپریٹ ہوتا ہے جس سے مرچنٹس اور صارفین کے درمیان رئیل ٹائم مواصلات قائم کی جاسکے گی۔ جب ایک صارف کیو آر کوڈ سکین کرکے اپنے ایزی پیسہ ایپ سے مرچنٹ کو ادائیگی کا آغاز کرتا ہے تو ڈیوائس ایک اونچے سائونڈپر مبنی الرٹ کے ساتھ دونوں فریقین کو کامیاب ٹرانزیکشن کا فوری نوٹیفکیشن ارسال کرتا ہے جس سے نہ صرف مرچنٹ کو ٹرانزیکشن کا موثر تجربہ ملتا ہے بلکہ ادائیگی کا فوری نوٹیفکیشن کی وصولی سے وقت کی بھی بچت ہوتی ہے۔آڈیو وائس براڈ کاسٹ ادائیگی کی تصدیق کرتا ہے جس سے ہر ٹرانزیکشن میں شفافیت اور سیکورٹی یقینی ہوتی ہے۔
اس کے علاوہ ڈیوائس کی ایل سی ڈی پر ٹرانزیکشن کی رقم بھی نمایاں ہوتی ہے۔شہزاد خان ، ہیڈ آف چینلز، کارپوریٹ بزنس اینڈ پروڈکٹو لینڈنگ ، ایزی پیسہ نے کیو آر سائونڈ باکس کے بارے پر اظہار خیال کرتے ہوئے کہا” کیوآر سائونڈ باکس کا آغاز پاکستان میں مالیاتی شمولیت کے فروغ اوربزنسز کو بااختیار بنانے کیلئے ایزی پیسہ کے عزم کی عکاسی کرتا ہے۔ یہ ڈیوائس ڈیجیٹل ٹرانزیکشنز کی کارکردگی کو بہتر بناتی ہے اور مرچنٹس اور صارفین کے درمیان اعتماد اور بھروسہ کو فروغ دیتی ہے۔ادائیگی کے فوری نوٹیفکیشن میں سہولت دینے کے علاوہ کیو آر سائونڈ باکس بٹن دبا کر آخری ادائیگی بھی براڈ کاسٹ کرتا ہے جس سے مرچنٹس کیلئے ادائیگی کا طریقہ کار مزید بہتر ہوتا ہے۔
