مظفر آباد (خلیج نیوز)سٹیٹ ڈیزاسٹر مینجمنٹ اتھارٹی نے عید الفطر کی تعطیلات کے دوران آزادکشمیر کا رخ کرنے والے سیاحوں کیلئے ہدایت نامہ جاری کر دیا۔ ہدایت نامے میں کہا گیا ہے کہ مسافر / سیاح حضرات سفر اختیار کرنے سے قبل موسم کی تازہ ترین معلومات کے لیے محکمہ موسمیات کی پیشن گوئی کو باقاعدگی سے NDMA/SDMA کی ویب سائٹ چیک کریں۔ جبکہ سڑک کے بارے میں بھی معلومات لیکر سفر شروع کریں۔دوران سفر پینے کا صاف پانی، خشک کھانا ساتھ لے کر جائیں۔ بیمار مسافران روزانہ کے استعمال کی ادویات ساتھ رکھیں۔
محفوظ سفر کے لئے محکمہ شاہرات اور ٹریفک پولیس / نوریسٹ پولیس کی جانب سے وقتا فو قنا جاری شدہ ہدایات پر عملدرآمد یقینی بنائیں۔ سفر سے قبل مکینک سے گاڑی کی مناسب چیکنگ اور دیکھ بھال کو یقینی بنائیں۔ سفر پر نکلنے سے پہلے رہائش کا مناسب بندوبست کریں اور گیسٹ ہاؤسز میں کمروں کی بکنگ یقینی بنائیں۔ ٹریفک جام سے بچنے کے لئے رش والے اوقات کا خیال رکھیں۔ رات کے وقت پہاڑی علاقوں میں غیر ضروری سفر سے اجتناب کریں۔
