اسلام آباد (خلیج نیوز)اسلام آباد کے تھانہ ہمک کی حدود میں نجی بینک میں ڈکیتی کے دوران ملزمان ایک کروڑ روپے سے زائد رقم لے اڑے ، مقدمہ درج کرلیا گیا ۔تھانہ ہمک میں بینک کے آپریشن منیجر کی مدعیت میں درج مقدمے میں کہا گیا ہے کہ 6ملزمان اسلحے کی نوک پر عملے کو یرغمال بنا کر بینک لوٹ کر فرار ہوگئے۔مدعی مقدمہ کے مطابق ملزمان نے بینک عملے اور گارڈز کو 30منٹ تک یرغمال بنا کر رکھا۔واردات کے بعد پولیس سی سی ٹی وی فوٹیج حاصل کرنے کے باوجود ملزمان کی گرفتاری میں ناکام ہے،اب تک کوئی ملزم گرفتار نہیں ہوسکا۔