لاہور(خلیج نیوز)نیوزی لینڈ کے خلاف سیریز کے لیے پاکستان ٹیم کا اعلان پانچ اپریل تک متوقع ہے، شاہین شاہ آفریدی کو ابتدائی میچز میں آرام کرانے کی تجویز ہے جبکہ نسیم شاہ کو بھی منتخب میچز میں ہی کھلایا جائے گا۔ذرائع کے مطابق سلیکٹرز کی ٹیم کے ممکنہ کھلاڑیوں پر مشاورت جاری ہے، کپتان بابر اعظم سے بھی رائے لینے کے بعد نام منظوری کے لیے کرکٹ بورڈ کے سربراہ کو بھجوائے جائیں گے۔یاد رہے کہ قومی ٹیم کا فٹنس کیمپ 8 اپریل تک جاری رہے گا۔ نیوزی لینڈ کی ٹیم 14 اپریل کو پاکستان پہنچے گی اور پانچ ٹی20 میچز پر مشتمل سیریز کا آغاز 18 اپریل سے ہوگا، تین میچز پنڈی اور دو میچز لاہور میں شیڈول ہیں۔ پی سی بی سربراہ محسن نقوی کے دور میں یہ پہلی انٹرنیشنل سیریز کھیلی جائے گی۔
نیوزی لینڈ کیخلاف سیریز کیلئے قومی ٹیم کا اعلان 5اپریل کو متوقع
