ایگلے(خلیج نیوز)سائنسدانون کی ایک ٹیم کی جانب سے حالیہ تحقیق میں ایسے شواہد ملے ہیں جو بتاتے ہیں کہ بھاگنے کا انداز ہر انسان کی شخصیت کے حساب سے مختلف ہوتا ہے۔میڈیا رپورٹس کے مطابق Volodalen SportLab میں انسانی بائیو مکینکس کے ماہرین نے 80 بالغ رضاکاروں پر ایک تجربہ کیا اور معلوم کیا کہ دوڑنے کا انداز شخصیت کی کیسے عکاسی کرتا ہے۔
تحقیق جو فرانسیسی محققین نے کی ہے اور جریدے PLOS ONE میں شائع ہوئی ہے، سے پتہ چلتا ہے کہ لوگوں کے دوڑنے کے مختلف انداز ہوتے ہیں جیسے کچھ آسانی سے دوڑتے ہیں جب کہ دوسروں کی انداز میں ذرا سختی یا ہچکچاہٹ کا انداز نمایاں ہوتا ہے۔ اس طرح کے مختلف انداز اگرچہ زیادہ تر جسمانی اوصاف پر مبنی معلوم ہوتے ہیں لیکن فرانس کی ٹیم نے پایا ہے کہ ایسے انداز کسی شخصیت سے بھی متعلق ہو سکتے ہیں۔محققین کی ٹیم نے 80 بالغ رضاکاروں کو 50 میٹر کے ٹریک پر تین بار دوڑایا۔ اور ہر بار رضاکاروں کی دوڑنے کی رفتار مختلف تھی۔
محققین نے دوڑتے رضاکاروں کی ویڈیو بھی ریکارڈ کی۔دوسری جانب ہر رضاکار کا ایم بی ٹی آئی ٹیسٹ بھی لیا گیا جو کہ مریض کی شخصیات کی درجہ بندی کیلئے مخصوص ہے۔ ٹیسٹ کے ساتھ ریکارڈ شدہ ویڈیو کا استعمال کرتے ہوئے دوڑنے کے انداز کا موازنہ کیا گیا اور پایا گیا کہ مخصوص شخصیت کے حامل رضاکاروں میں دوڑنے کے انداز مماثل تھے جبکہ دیگر رضاکار جن کی شخصیات کے پہلو ایک دوسرے سے میل کھاتے تھے، ان میں بھاگنے کا انداز بھی ایک جیسا تھا مگر پہلے والے گروپ سے مختلف۔
