کہوٹہ مسافر بس حادثہ، سنگین غفلت کا انکشاف

کہوٹہ (خلیج نیوز)کہوٹہ مسافر بس حادثے کی تحقیقات میں سنگین غفلت کا انکشاف ہوا ہے جو 26 قیمتی جانوں کے ضیاع کا باعث بنا۔پولیس کے مطابق حادثے کا شکار مسافر بس کے مالک اور اڈا منشی کو گرفتار کر لیا گیا ہے۔پولیس نے بتایا کہ گرفتار ملزمان کی شناخت محمد سفیر اور عبد القدوس کے نام سے ہوئی ہے۔سی پی او راولپنڈی کے مطابق ملزمان کی غفلت 26 قیمتی جانوں کے ضیاع کا باعث بنی، بس مالک نے روٹ پرمٹ، فٹنس سرٹیفکیٹ کے بغیر گاڑی کو پبلک سروس روٹ پر چلایا، معمولی فائدہ کے لیے شہریوں کی زندگی سے کھیلنے والے کڑی سزا کے حق دار ہیں۔انہوںنے کہاکہ مقدمے کی پیروی کے لیے ایس ایس پی انوسٹی گیشن، ایس پی صدر، لیگل برانچ کو ہدایات دی ہیں۔