مولانا فضل الرحمن نے 28 اگست کو تاجروں کی ہڑتال کی حمایت کردی

اسلام آباد (خلیج نیوز)جمعیت علمائے اسلام (ف)کے سربراہ مولانا فضل الرحمن کی جانب سے 28 اگست کو تاجروں کی ہڑتال کی حمایت کا اعلان کر دیا۔اپنے بیان میں سربراہ جے یو آئی (ف) نے کہاکہ تاجروں کی (آج) بدھ کو ملک بھر میں ہونے والی ہڑتال کی مکمل حمایت کرتے ہیں، مہنگائی اور ناجائز ٹیکس نے عوام کا جینا دو بھر کردیا ہے۔مولانا فضل الرحمن نے کہا کہ آئی ایم ایف کے حکم پر بنے بجٹ نے عوام کے منہ سے نوالا چھین لیا ہے، کارکن پرامن ہڑتال کو کامیاب بنائیں۔انہوںنے کہاکہ ملک بھر میں جے یو آئی (ف)بزنس فورمز اس ہڑتال میں بھر پور حصہ لیں۔