پنجاب حکومت کا غیر مسلم طلبہ کو سکالرشپ دینے کا فیصلہ

لاہور( خلیج نیوز)پنجاب حکومت نے غیر مسلم طلبہ کو سکالرشپ دینے کا فیصلہ کر لیا،غیر مسلم طلبہ کی سکالر شپ کیلئے باقاعدہ بجٹ مختص کیا جائے گا۔ڈی پی آئی ایلمنٹری نے تمام ایجوکیشن اتھارٹیز سے غیرمسلم طلبہ کا ڈیٹا مانگ لیا ہے۔ ڈیٹا اکھٹا کرنے کے بعد تمام ایجوکیشن اتھارٹیز کو کا بجٹ دیا جائے گا۔ غیر مسلم بچوں کو تعلیمی کارکردگی اور حاضری کی بنیاد پر منتخب کیا جائے گا۔ ہرتحصیل سے پانچ بچوں کا انتخاب کیا جائے گا۔ ترجیحی بنیادوں پر ڈیٹا فراہم کرنے کیلئے اتھارٹیز کے سربراہان کو ہدایات جاری کردی گئی ہیں۔