فائر وال سسٹم لگانے کا فیصلہ بانی پی ٹی آئی کے دور میں ہوا،خط سامنے آگیا

اسلام آباد(خلیج نیوز)ملک میں انٹرنیٹ فائر وال سسٹم سب سے پہلے بانی چیئرمین پی ٹی آئی کے دور حکومت میں لگانے کا فیصلہ کیا گیا۔میڈیارپورٹ کے مطابق عمران خان کے دور حکومت میں 2020 کا وزیراعظم آفس میں نیشنل فائر وال پر اجلاس ہوا جس سے متعلقہ خط سامنے آگیا۔خط میں کہا گیا کہ 22اکتوبر2020 کو نیشنل فائر وال سسٹم سے متعلق اجلاس ہوا، وزیراعظم کے احکامات کے مطابق نیشنل فائر وال سسٹم تیار اور نصب کیا جائے۔خط میں کہا گیا کہ وزارت آئی ٹی کیس باضابطہ منظوری کیلئے مجاز اتھارٹی کو بھجوائے۔خط میں کہا گیا کہ وزیراعظم کے احکامات کے مطابق ٹائم لائنز اور پیشرفت رپورٹ جمع کروائی جائے۔