پوری قوم کرپٹ اور نااہل ٹولے کے نرغے میں ہے ‘ حماد اظہر

لاہور( خلیج نیوز)پاکستان تحریک انصاف پنجاب کے قائمقام صدر حماد اظہر نے کہا ہے کہ پاکستان نے 77سال پہلے انگریزوں سے آزادی حاصل کی تھی مگر آج بھی پوری قوم کرپٹ اور نااہل ٹولے کے نرغے میں ہے ، پی ٹی آئی کے بانی چیئرمین عمران کی قیادت میں جدوجہد کے ذریعے قوم کو حقیقی آزادی دلائیں گے۔ پی ٹی آئی کے اعلامیے کے مطابق ریلی سے خطاب کرتے ہوئے حماد اظہر نے کہا کہ ملک پر جعلی حکومت مسلط ہے جس نے عوام پر ٹیکسوں کی بھرمار ، بجلی اور پٹرول بم گرائے ہیں۔ موجودہ کرپٹ حکومت کے دور میں صنعتی پہیہ جام ہو گیا ہے اور جس کی وجہ سے لاکھوں مزدور بے روزگار ہو گئے ہیں۔