نوجوان نے ڈاکوئوں سے گولی کھا کر اپنے مالک کے 90لاکھ روپے بچا لئے

لاہور(خلیج نیوز) نوجوان نے بے مثال بہادری دکھا تے ہوئے ڈاکوئوں کی گولی کھاکر اپنے مالک کے 90لاکھ روپے بچا لے ۔ڈاکوں کا مزاحمت کے دوران شہری کو گولیاں مارنے کا یہ گوالمنڈی کے علاقے میں ہوا۔نوجوان وسیم محمود نولکھا میں اپنے مالک کے پیسے لے کر گوالنڈی آرہا تھا ۔ تین موٹر سائیکل سوار ڈاکوں نے شہری وسیم محمود کو راستے مین روک کر اسلحہ دکھایا اور اس کے پاس موجود نوے لاکھ روپے کی کثیر رقم چھیننے کی کوشش کی۔ وسیم نے پیسے ڈاکوئوں کے حوالے کر کے اپنی جان بچانے کی بجائے مزاحمت کی۔ ہاتھا پائی کے دوران ایک ڈاکو نے گولی چلا دی جو وسیم کی ٹانگ پر لگی۔ ڈاکو گولی چلنے کے بعد خوفزدہ ہو کر بھاگ گئے اور گھبراہٹ میں رقم لوٹنا بھی بھول گئے۔ ڈاکوئوں کی فائرنگ سے زخمی ہونے والے وسیم کو میو ہسپتال منتقل کر دیا گیا۔