برطانوی پولیس آفیسر کے قتل میں ملوث پاکستانی شہری کو سزاسنادی گئی

لندن(اخلیج نیوز)برطانوی پولیس آفیسر پی سی بیشینوسکی کے قتل میں ملوث پاکستانی شہری کو سزا سنادی گئی۔غیرملکی میڈیاکے مطابق ملزم پیراں دتہ 2005میں بریڈ فورڈ میں واردات کے بعد پاکستان بھاگ گیا تھا،جسے گزشتہ برس برطانوی پولیس نے پاکستان کے تعاون سے گرفتار کیا تھا۔ واردات میں ملوث دیگر 6مجرمان کو پہلے ہی سزا سنائی جا چکی ہے۔برطانوی پولیس آفیسر 38سالہ پی سی بیشینوسکی صرف 9ماہ کے لیے افسر رہی تھیں۔ انھیں بریڈ فورڈ، ویسٹ یارکشائر میں گولی مار کر ہلاک کر دیا گیا تھا۔ پی سی بیشینوسکی، تین بچوں کی ماں اور دو بچوں کی سوتیلی ماں تھیں۔2005میں انھیں اس وقت گولی مار دی گئی تھی جب وہ اپنی ساتھی ٹریسا ملبرن کے ساتھ مورلی اسٹریٹ، بریڈفورڈ میں ایک ٹریول ایجنٹ کے الارم کا جواب دینے پہنچی تھیں۔ ان کی ساتھی کو بھی گولی لگی تھی لیکن وہ بچ گئیں۔