پاک فوج کی میجر ثانیہ صفدر نے اقوام متحدہ کا جنڈر ایوارڈ حاصل کرلیا

راولپنڈی (خلیج نیوز)پاک فوج کی میجر ثانیہ صفدر نے اقوام متحدہ کا جنڈر ایوارڈ حاصل کرلیا۔تفصیلات کے مطابق پاکستانی فوج کی میجر ثانیہ صفدر کو سائپرس میں صنفی مساوات کے فروغ پر 2023 ـ Certificate of Recognition’ دیا گیا ہے۔میجر ثانیہ کی کامیابی پاک فوج کے اعلیٰ معیار اور صنفی مساوات کے فروغ کو برقرار رکھنے کے عزم کا ثبوت ہیمیجر ثانیہ صفدر نے UNFICYP کا صنفی مساوات کی وکالت کیلئے 2023 ـ Certificate of Recognition’ جیت کر ایک نئی تاریخ رقم کی ہے ،وہ اقوام متحدہ کے امن مشنز کی پہلی خاتون ہیں جن کو اس اعزاز سے نوازاگیا ہے،ان کو یہ ایوارڈ اقوام متحدہ کی سلامتی کونسل کی قرارداد 1325 جو خواتین، امن اور سلامتی (WPS) سے متعلق ہے، جس کے فروغ دینے کی کوششوں کو تسلیم کرتے ہوئے دیا گیا ہے۔میجر ثانیہ کو فیلڈ ٹیکنالوجی سیکشن میں خدمات انجام دینے کے ساتھ ساتھ فوج میں صنفی نمائندگی کو فروغ اور ترویج دینے کی کوششوں کو سراہتے ہوئے یہ ایوارڈ دیا گیا ہے، UNFICYPمیجر ثانیہ صفدر نے کہا ہے کہ امن فوجی کے طور پر یہ سرٹیفکیٹ حاصل کرنا میرے لیے اور ہمارے مشن کیلئے اعزاز کی بات ہے،یہ ہماری صنفی مساوات کے فروغ کے لیے عزم کا ایک واضح ثبوت ہے۔میجر ثانیہ صفدر کی جیت پاک فوج کی پیشورانہ صلاحیتوں اور صنفی مساوات اورشمولیت کے فروغ کے لیے جدوجہد کامنہ بولتا ثبوت ہے۔