پشاور (خلیج نیوز)محکمہ سیاحت خیبرپختونخوا کے مطابق خیبرپختونخوا میں یکم مئی سے اب تک ایک کروڑ سے زائد سیاحوں کی آمد ہوئی۔تفصیلات کے مطابق محکمہ سیاحت خیبرپختونخوا نے یکم مئی سے 18 اگست تک سیاحوں کی آمد کی رپورٹ جاری کردی ،رپورٹ کے مطابق سب سے زیادہ 42 لاکھ 55 ہزار سے زائد سیاح گلیات آئے۔رپورٹ میں بتایا گیا کہ ناران کاغان وادی 25 لاکھ اور مالم جبہ میں 13 لاکھ سیاحوں کی آمد ہوئی۔ بحرین 2 لاکھ 84 ہزار اور کالام 2 لاکھ 62 ہزار سیاحوں کی آمد ہوئی، اسی طرح 2 لاکھ سے زائد سیاحوں نے کیلاش وادی کا رخ کیا۔محکمہ سیاحت کے پی نے بتایا کہ 3 ہزار سے زائد غیر ملکی سیاحوں نے بھی خیبرپختونخوا کے حسین نظارے کئے۔
خیبرپختونخوا میں یکم مئی سے 1 کروڑ سے زائد سیاحوں کی آمد
