مسجد نبوی کے بڑے ا مام صلاح بن محمد البدیرجامعہ اشرفیہ لاہور میں 13اگست کو نمازِ عشا پڑھائیں گے

لاہور (خلیج نیوزmasjod)مسجد نبوی شریف کے بڑے امام فضیل الشیخ صلاح بن محمد البدیر حفظہ اللہ اپنے حالیہ دورہ پاکستان کے دوران 13اگست بروز منگل جامعہ اشرفیہ لاہور میں تشریف لائیں گے اور نماز عشا پڑھائیں گے ان کے ہمراہ سعودی عرب کے سفیر فضیل الشیخ نواف سعیدالمالکی حفظہ اللہ اور رابطہ عالم اسلامی کے مدیر فضیل الشیخ سعدمسعودالحارثی حفظہ اللہ اور دیگرشخصیات بھی ہونگی، اس سے قبل امام کعبہ فضیل الشیخ ڈاکٹر عبدالرحمن السدیس حفظہ اللہ سمیت دیگر آئمہ حرمین شریفین بھی جامعہ اشرفیہ لاہور میں تشریف لاچکے ہیں،امام مسجد نبوی فضیل الشیخ صلاح بن محمد البدیر حفظہ اللہ کی جامعہ اشرفیہ لاہور میں آمد کے سلسلہ میں ایک اہم انتظامی ومشاورتی اجلاس جامعہ اشرفیہ لاہور کے ناظم شعبہ نشرواشاعت اورڈاریکٹر تعلقات عامہ وامورخارجہ مولانا حافظ اسعد عبید کی زیر صدارت منعقدہوا جس میں نائب مہتمم و استاذالحدیث مولانا حافظ زبیر حسن،مولانا اویس ارشد،مولانا سعد بن اسعد، مولانا سمیع اللہ حقانی،خرم حنیف،مولانا مجیب الرحمن انقلابی،مولانا قاری توصیف عباسی، بشیر احمد اورمولانا محمد عمران سمیت دیگر ذمہ داران نے شرکت کی اجلاس میں امام مسجد نبوی شریف فضیلالشیخ صلاح بن محمد البدیر مدظلہ کی جامعہ اشرفیہ لاہور میں آمد کے موقعہ پر ان کے شایان شان فقید المثال استقبال اور دیگر انتظامی امور کے بارے میں تفصیلی مشاورت اورغور و خوض کرتے ہوئے مختلف کمیٹیوں کی تشکیل اور اہم فیصلے کیے گئے اس موقعہ پر مولانا حافظ اسعد عبید اور مولانا زبیر حسن نے مشاورتی اجلاس سے خطاب کرتے ہوئے کہا کہ امام مسجد نبوی شریف کی پاکستان اور بالخصوص جامعہ اشرفیہ لاہور میں آمد خیر و برکت کا باعث ہوگی،اس سے ملکی حالات پر خوشگوار اثرات مرتب ہوں گے اور پاکستان و سعودی عرب کی بے مثال دوستی و تعلقات میں مزید اضافہ ہوگا۔