اسلام آباد(خلیج نیوز)وفاقی وزیر توانائی اویس احمد خان لغاری نے درآمدی کوئلے پر چلنے والے تین آئی پی پیز کو تھر کوئلے پر منتقل کرنے کیلئے کمیٹی تشکیل دے دی جو عمل درآمد کیلئے منصوبہ پیش کرے گی۔پاور ڈویژن سے جاری اعلامیے کے مطابق وفاقی وزیر توانائی اویس احمد خان لغاری کی جانب سے درآمدی کوئلے پر چلنے والی آئی پی پیز کو تھر کوئلے پر منتقل کرنے کیلئے تشکیل دی گئی کمیٹی کی سربراہی ایڈیشنل سیکریٹری پاور ڈویژن کریں گے۔اعلامیے میں کہا گیا کہ کمیٹی تمام اسٹیک ہولڈرز سے مشاورت کے بعد پلانٹس کو تھر کوئلے پر منتقل کرنے کیلئے تکنیکی اور مالیاتی تجزیہ پیش کرے گی۔پاور ڈویژن نے کہاکہ مذکورہ کمیٹی تھر کی کانوں سے پروجیکٹ سائٹ تک کوئلے کی نقل و حمل کیلئے لاجسٹکس کا جائزہ لے گی۔اعلامیے میں کہا گیا کہ کمیٹی معلوماتی اسٹڈیز کے نتائج کی بنیاد پر حکومت پاکستان کو سفارشات اور عمل درآمد کا منصوبہ فراہم کرے گی۔
درآمدی کوئلے پر چلنے والی آئی پی پیز کو تھر کوئلے پر منتقلی کیلئے کمیٹی تشکیل
