اسلام آباد(خلیج نیوز)پاکستان میں امریکی سفارتخانے کی ترجمان جوناتھن لالی نے کہا ہے کہ2022 کے سیلاب نے لاکھوں پاکستانیوں کی زندگی کو متاثر کر دیا، امریکا نے فلڈ ریلیف اور بحالی کیلئے 215ملین ڈالرز فراہم کئے۔اپنے ایک بیان میں جوناتھن لالی نے کہا کہ 100ملین ڈالرز غذائی قلت سے نمٹنے کیلئے دیئے گئے، آج بھی لاکھوں پاکستانیوں کی زندگیاں غذائی قلت کے باعث خطرے سے دو چار ہیں۔انہوں نے کہاکہ ریلیف پروگرام کیلئے ورلڈ فوڈ پروگرام سے مل کر کام کیا گیا، 1 لاکھ 35ہزار بچوں کو ایمرجنسی غذائی ریلیف فراہم کیا گیا۔ترجمان نے کہاکہ74ہزار سے زائد حاملہ خواتین کی دیکھ بھال کی گئی، صحت کی سہولتوں کیلئے بلوچستان اور سندھ میں 12نیوٹریشن مراکز قائم کئے گئے، رواں سال امریکی سفیر نے مزید 486ٹن فوڈ 39ہزار بچوں کیلئے فراہم کیا۔جوناتھن لالی نے کہا کہ مجموعی طور پر 3لاکھ 17ہزار خواتین اور بچوں کو مدد فراہم کی گئی، امریکا اس اہم معاملے پر پاکستان کے ساتھ کام جاری رکھے گا۔
پاکستان کو فلڈ ریلیف و بحالی کیلئے 215ملین ڈالرز فراہم کئے،امریکی سفارتخانہ
