بلوں کی عدم ادائیگی پر متعدد سرکاری محکموں کی بجلی منقطع کردی گئی

پشاور (خلیج نیوز) پیسکو حکام نے بلوں کی عدم ادائیگی پر متعدد سرکاری محکموں کی بجلی منقطع کردی ۔ تفصیلات کے مطابق پشاور الیکٹرک سپلائی کمپنی پیسکو ٹیم اور ایف آئی اے نے سرکاری نادہندگان کے خلاف مشترکہ کارروائی کرتے ہوئے محکمہ ایکسائز، اینٹی کرپشن اور افغان کمشنریٹ کی بجلی کے بلوں کی عدم ادائیگی پر بجلی منقطع کردی۔اس کے علاوہ ورکنگ ویمن اسپتال، سوشل ویلفیئراور چیف انجینئر پبلک ہیلتھ کی بجلی بھی منقطع کی گئی۔پیسکو حکام کے مطابق مذکورہ محکموں کے ذمے 30 لاکھ سے زائد کے بقایاجات واجب الادا تھے۔پیسکو کو ان محکموں کی جانب سے عرصہ دراز سے کوئی واجبات ادا نہیں کئے گئے تھے جس پر کارروائی عمل میں لائی گئی ہے ۔