چیئرمین پاکستان تحریک انصاف (خلیج نیوز) بیرسٹر گوہر خان نے کہا ہے کہ ہم ایک چیز واضح کر رہے ہیں کہ ہم ہر قسم کی ایکسٹینشن کی مخالفت کریں گے۔میڈیا سے گفتگو کرتے ہوئے گوہر خان نے کہا کہ پارلیمانی پارٹی اجلاس ہر سیشن سے قبل بلاتے ہیں۔ پارلیمانی پارٹی اجلاس میں حکومتی قانون سازی کے مختلف پہلوؤں کاجائزہ لیں گے۔انہوں نے کہا کہ اس مرتبہ حکومت قانون سازی چھپا کر کر رہی ہے، ساری دنیا میں قانون سازی اس طرح چھپا کر نہیں کی جاتی۔چیئرمین پی ٹی آئی نے کہا کہ ہم ایک چیز واضح کر رہے ہیں کہ ہر قسم کی ایکسٹینشن کی مخالفت کریں گے۔بیرسٹر گوہر نے کہا کہ اراکین قومی اسمبلی نے پارٹی وابستگی کے معاملہ پر سپریم کورٹ میں اپنا جواب جمع کروادیا۔
انہوں نے کہا کہ الیکشن کمیشن نے سپریم کورٹ سے گائیڈ لائن مانگی تھی، سپریم کورٹ سے ایم این ایز کی وابستگی سے متعلق رہنمائی مانگی ہے۔ چیئرمین پی ٹی آئی نے کہا کہ الیکشن کمیشن کے سوال پر ہم نے اپنا جواب سپریم کورٹ میں جمع کروایا ہے۔ ہم نے مطالبہ کیا ہے کہ الیکشن کمیشن کو کہا جائے کہ اراکین قومی و صوبائی اسمبلی کی وابستگی بتادی ہے۔بیرسٹر گوہر نے کہا کہ ہم نے مطالبہ کیا ہے کہ تمام ایم این ایز کی وابستگی کو مانا جائے۔انہوں نے کہا کہ الیکشن کمیشن کے رولز خود ممبران اسمبلی کی وابستگی کو اہمیت دیتے ہیں۔ ہم نے خود اپنے ممبران کو ٹکٹ جاری کیے، الیکشن کمیشن کو وہی ماننا چاہیے۔چیئرمین پی ٹی آئی نے کہا کہ جوائنٹ سیشن کے ایجنڈے کا ابھی کوئی علم نہیں ہے۔
