”کاش مجھے قتل کی اجازت ہوتی”، زارا نور خاتون کو ہراساں کرنیوالے پر پھٹ پڑیں

کراچی (خلیج نیوز)پاکستانی اداکارہ زارا نور عباس کراچی میں باحجاب خاتون کو ہراساں کرنے کے واقعے پر پھٹ پڑیں۔اداکارہ نے انسٹاگرام کی اسٹوری پر واقعے کی ویڈیو شیئر کی اور کیپشن میں سخت برہمی کا اظہار کرتے ہوئے لکھا موٹرسائیکل پر بٹھا کر ہراساں کرنے والوں کی ایک اور نسل کو بڑھایا جارہا ہے ۔زارا نور نے لکھابچے کٹھ پتلی ہوتے ہیں جو ان کے سامنے کیا جائے وہ وہی اپناتے ہیں اور یہ بائیک پر بیٹھا شخص اس بچے کیلئے مثال بن رہا ہے۔ اداکارہ نے کہاکاش کہ مجھے قتل کی اجازت ہوتی۔زارا کے علاوہ اداکارہ سجل علی، مریم نفیس اور دیگر شوبز ستاروں نے بھی اس واقعہ کی مذمت کی ہے۔