اسلام آباد(خلیج نیوز) پنجاب حکومت کی جانب سے بجلی صارفین کو 14 روپے فی یونٹ ریلیف 200 یونٹ تک استعمال کرنے والے صارفین کو نہیں ملے گااور وہ صوبائی حکومت کے دیئے گئے ریلیف سے محروم رہیں گے۔اعلان کردہ فی یونٹ14روپے کاریلیف ماہانہ 201 سے 500 یونٹ تک کے صارفین کو ہی ملے گا۔دو روز قبل مسلم لیگ نون کے صدر نواز شریف نے وزیراعلیٰ پنجاب مریم نواز کے ہمراہ پریس کانفرنس کرتے ہوئے صوبے میں 500 یونٹ تک بجلی استعمال کرنے والوں کو 2 ماہ کے لیے 14 روپے فی یونٹ تک ریلیف دینے کا اعلان کیا تھا۔وزیراعظم شہباز شریف نے بھی وزیراعلیٰ پنجاب کے بجلی کی قیمتوں میں ریلیف کے اقدامات کو سراہا تھا تاہم اب ذرائع کا بتانا ہے کہ حکومت کی جانب سے ماہانہ 200 یونٹ استعمال کرنے والوں کے لیے بجلی منہگی نہیں کی گئی تھی اس لیے پنجاب حکومت کا حالیہ اعلان کردہ فی یونٹ14روپے کاریلیف ماہانہ 201 سے 500 یونٹ تک کے صارفین کو ہی ملے گا۔ ذرائع کے مطابق بجلی کے ٹیرف میں ریلیف کا اطلاق اگست اور ستمبر 2024 کے بلوں میں ہوگا۔
200 یونٹ تک استعمال کرنے والے صارفین پنجاب حکومت سے ریلیف سے محروم
