یوم آزادی پر وزیراعظم کا تحفہ، پیٹرول کی فی لیٹر قیمت میں بڑی کمی کردی گئی

اسلام آباد(خلیج نیوز)مہنگائی سے ستائی عوام کیلئے وزیراعظم نے یوم آزادی پر تحفہ دیتے ہوئے پیٹرولیم مصنوعات کی قیمتوں میں بڑی کمی کی منظوری دے دی،پیٹرول کی قیمت میں 8روپے 47پیسے اورڈیزل کی قیمت 6روپے 70پیسے فی لیٹرکمی کی گئی ہے۔تفصیلات کے مطابق وزیراعظم نے پیٹرول کی فی لیٹر قیمت میں 8روپے 47پیسے جبکہ ڈیزل کی فی لیٹر قیمت میں 6.7پیسے کمی کی منظوری دے دی ہے۔وزارت خزانہ کے مطابق حالیہ کمی کے بعد 31اگست تک پیٹرول کی فی لیٹر قیمت 269روپے 43پیسے سے کم ہوکر 260روپے 96پیسے ہوجائے گی۔اسی طرح ڈیزل کی فی لیٹر قیمت 272.77روپے سے کم ہو کر 266.07روپے فی لیٹر ہوگئی۔وزارت خزانہ کے مطابق نئی قیمتوں کا اطلاق رات 12بجے سے ہوگیاہے۔