پاکستان کے پہلے ٹائٹ گیس منصوبے سے پیداوار کا آغاز

اسلام آباد (خلیج نیوز)اوجی ڈی سی ایل کی پاکستان میں پہلی ٹائٹ گیس کی پیداوار کا آغاز ہوگیا ۔ترجمان او جی ڈی سی ایل نے بتایاکہ نورویل ویسٹ1سجاول سے 1.5ملین مکعب فٹ یومیہ گیس حاصل کی جارہی ہے، ٹائٹ گیس پاکستان کی توانائی کی ضروریات کو پورا کرنے میں مددگار ثابت ہوگی۔انہوںنے کہا کہ ڈرلنگ کے دوران ابتدائی جانچ کے نتائج مثبت نہیں تھے، تاہم پیداوار کو ممکن بنانے کیلئے ہائیڈرولک فریکچرنگ تکنیک استعمال کی گئی۔ انہوں نے کہا کہ گیس کو سوئی سدرن نیٹ ورک میں شامل کر دیا گیا ہے، او جی ڈی سی ایل ملک میں توانائی کے وسائل کو بڑھانے کیلئے پرعزم ہے۔