اسلام آباد(خلیج نیوز)پی ٹی آئی رہنما عمر ایوب نے کہا ہے کہ 9مئی اور 18مارچ کے واقعات پی ٹی آئی کو ٹریپ کرنے کی سازش تھے۔ غیرملکی میڈیاکوکو انٹرویو دیتے ہوئے عمر ایوب نے کہاکہ 9مئی واقعات کی ویڈیوز سامنے لائی جائیں تو لوگ بے نقاب ہو جائیں گے۔ انھوں نے کہا کہ معافی اور 9 مئی واقعات کی تحقیقات کا بانی پی ٹی آئی کا مطالبہ نیا نہیں ہے، جب ان واقعات کی سی سی ٹی وی ویڈیوز سامنے آئیں گی تو دودھ کا دودھ اور پانی کا پانی ہوگا۔عمر ایوب نے کہا کہ تحقیقات میں پی ٹی آئی سے منسلک افراد ثابت ہونے پر بانی پی ٹی آئی نے انہیں پارٹی سے نکالنے کا کہا ہے، ہم اور ہماری پارٹی کے لوگ پر امن ہیں۔انھوں نے کہا کہ حکمراں جماعتوں سے مذاکرات کا مینڈیٹ محمود خان اچکزئی کو دیا گیا ہے۔
9 مئی واقعات پی ٹی آئی کو ٹریپ کرنے کی سازش تھے، عمر ایوب
