لاہور( خلیج نیوز)پنجاب بھر کے 39 ہزار سے زائد سرکاری سکولوں کی اپ گریڈیشن کی جائے گی جس کی منظوری پنجاب حکومت کی جانب سے دیدی گئی ۔تفصیلات کے مطابق 39 ہزار سے زائد سکولوں کی اپ گریڈیشن پر 50 ارب کے اخراجات آئیں گے۔دو سالوں میں 7 ہزار ایلمنٹری سکولوں کو ہائی سکول میں اپ گریڈ کیا جائے گا، 32 ہزار پرائمری سکولوں کو ایلمنٹری سکولوں میں اپ گریڈ کیا جائے گا جبکہ سرکاری سکولوں میں سائنس اور آئی ٹی لیبز بھی بنائی جائیں گی۔تین سالوں میں پنجاب کے 39 ہزار سکول اگلے درجے میں اپ گریڈ ہوں گے۔
پنجاب حکومت نے 39 ہزار سے زائد سرکاری سکولوں کی اپ گریڈیشن کا فیصلہ
