اسٹیٹ بینک کا بینظیر انکم سپورٹ پروگرام کی رقوم منتقلی سے متعلق اہم فیصلہ

کراچی (خلیج نیوز)اسٹیٹ بینک نے بینظیرانکم سپورٹ پروگرام رقوم کی بینک اکائونٹس میں براہ راست منتقلی کا فریم ورک جاری کر دیا۔اسٹیٹ بینک کے مطابق 93 لاکھ افراد اپنے علاقے کے بینکوں میں بی آئی ایس پی سہولت اکائونٹ کھول سکیں گے۔بی آئی ایس پی سہولت اکائونٹس بینکوں سمیت مائیکروفنانس بینکوں میں بھی کھولاجاسکے گا۔مرکزی بینک کے مطابق یہ فریم ورک بی آئی ایس پی اور بینکوں کی مشاورت سے تیار کیا گیا ہے، ابتدائی طور پر پہلا پائلٹ پراجیکٹ کراچی اور لاہور میں شروع کیا جائے گا۔پائلٹ پراجیکٹ میں بی آئی ایس پی کے 30 ہزار استفادہ کنندگان کے اکائونٹس کھولے جائیں گے۔