لندن(خلیج نیوز)برٹش ریٹائرمنٹ ہوم میں رہائش پذیر 111 سالہ شخص نے دنیا کے معمر ترین مرد کا گینیز ورلڈ ریکارڈ اپنے نام کر لیا۔غیرملکی خبررساں ادارے کے مطابق گینیز ورلڈ ریکارڈ کے مطابق برطانوی علاقے ساتھ پورٹ سے تعلق رکھنے والے جان الفریڈ ٹِنیس ووڈ کو یہ خطاب وینیزویلا کے 114 سالہ ژواں ونسینٹ پیریز کی موت اور 31 مارچ کو دوسرے معمر ترین جاپانی شخص کی وفات کے بعد دیا گیا۔26 اگست 1912 کو پیدا ہوانے والے جان الفریڈ اب تک خود بستر پر جاتے اور اترتے ہیں، اپنے معاشی معاملات خود دیکھتے ہیں اور خبروں سے باخبر رہنے کے لیے روزانہ ریڈیو سنتے ہیں۔اپنی طویل عمر کو خالصتا قسمت قرار دیتے ہوئے انہوں نے گینیز ورلڈ ریکارڈز کو بتایا کہ یا تو آپ طویل عرصہ زندہ رہتے ہیں یا تھوڑا عرصہ اور آپ اس سے متعلق کچھ نہیں کر سکتے۔
111 سالہ شخص نے دنیا کے معمر ترین مرد کا گینیز ورلڈ ریکارڈ اپنے نام کر لیا
