سندھ میں کچے کے ڈاکووں پر قابو پانا چیلنج بن گیا

کراچی(خلیج نیوز)سندھ میں کچے کے ڈاکووں کو قابو پانا چیلنج بن گیا، درجنوں خطرناک گینگ تاوان کیلیے سوشل میڈیا کا بھرپور استعمال کررہے ہیں۔کندھ کوٹ میں پولیس اور رینجرز کا کچے کے علاقے میں آپریشن جاری ہے۔کچے کے داخلی راستے بند ہیں، فورسز کی فائرنگ سے کچے کے ڈاکووں کے 7 سہولت کار زخمی ہوگئے۔سکھر ڈویژن میں 6 ماہ کے دوران 31 افراد اغوا ہوئے جبکہ 3 ماہ میں ضلع کشمور سے 90 اور شکار پور سے 60 افراد کو اغوا کیا گیا۔ڈاکوئوں سے 126 مغوی آزاد کرالیے گئے ہیں جبکہ 24 مغوی تاحال رہائی کے منتظر ہیں۔