نائیجیریا میں مسجد پر حملہ ، ایک شخص جاں بحق ، متعدد اغوا

ابوجہ (خلیج نیوز)نائیجیریا میں مسجد پر مسلح افراد کے حملے کے نتیجے میں ایک شخص جاں بحق جبکہ متعدد شہریوں کو اغوا کر لیا گیا ہے۔غیرملکی خبررساں ادارے کے مطابق مسلح حملہ آوروں نے رات کے وقت صوبہ زمفارا کے دارالحکومت گاساو کی مسجد میں جماعت پر حملہ کر دیا۔صوبہ زمفارا کے پولیس ترجمان محمد شیخو نے حملے میں ایک شخص کی ہلاکت اور متعدد کے اغوا ہونے کی تصدیق کرتے ہوئے کہا کہ واقعے کی تحقیقات جاری ہیں۔واضح رہے کہ اس افریقی ملک میں درجنوں مسلح گروپ بھاری تاوان وصول کرنے کے لیے گائووں والوں اور مسافروں کو اکثر اپنا نشانہ بناتے رہتے ہیں۔ چند ہفتے قبل بھی نائجیریا کے شمال مغربی علاقے میں بندوق برداروں نے ایک اسکول پر حملہ کرکے کم از کم 287 طلبہ کو اغوا کر لیا تھا۔